Ish presidenti i Kosovës, njëherësh edhe kreu i AKR-së, Behgjet Pacolli, sot shtatë vite më parë ishte në Kenia për herë të parë për të lobuar për njohjen nga ky vend.
Në një shkrim në llogarinë e tij në Facebook, Pacolli tha se janë dashur shtatë vitë, të kalojnë tri qeveri që ky vend të fillojë një partneritet bashkëpunimi me Kosovën.
“Sot, 7 vjet më parë, ishim në Kenia për herë të parë për të lobuar për njohjen nga ky vend i madh afrikan. U deshën 7 vite të kalojnë, 3 qeveri të ndryshojnë, 8 vizita dhe mikpritje shumë herë të mysafirëve që ky vend të fillojë një partneritet bashkëpunimi me Kosovën në të gjitha fushat”, tha Pacolli.
Tutje kreu i AKR-së, shkruan se shteti i Kenias është një fuqi në kontinentin afrikan dhe Kosova duhet ta shfrytëzojë këtë potencial nga partneriteti i krijuar.
“Urime Kosovë! Kenia është një fuqi në kontinentin afrikan dhe Kosova nga tani duhet të shfrytëzojë potencialin nga ky partneritet i krijuar”, u shpreh ai.
Në fund Pacolli ka shkruar edhe një këshillë të marrur nga gjyshi i tij.
“Gjyshi më thoshte gjithmonë se “mos vepro kurrë në atë mënyrë që dyert të mbyllen pas teje, ato gjithmonë duhet t’i gjesh të hapura kur të duhet”./arbresh.info/
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...